Gujarat weather Forecast: છેલ્લા 24 કલાકમાં અમદાવાદમાં 20.2 અને ગાંધીનગરમાં 19.2 ડિગ્રી તાપમાન નોંધાયું છે. આ સાથે આગામી 24 કલાકમાં અમદાવાદમાં 21 અને ગાંધીનગરમાં 20 ડિગ્રી તાપમાન થવાનું અનુમાન પણ લગાવવામાં આવી રહ્યુ છે.
અમદાવાદઃ છેલ્લા કેટલાક દિવસોથી ગુજરાતના વાતાવરણમાં વારંવાર પલટો જોવા મળી રહ્યો છે. ત્યારે હવામાન વિભાગે પણ ગુજરાતમાં વરસાદની આગાહી કરી છે. આ સાથે હવામાન વિભાગે આગાહી કરી છે કે દરિયાકાંઠે તેની ઝડપ 45 થી 55 પ્રતિ કલાક રહેશે. જેના કારણે માછીમારોને પણ ચેતવણી આપવામાં આવી છે.
હવામાન વિભાગના અમદાવાદ કેન્દ્રના હવામાનશાસ્ત્રી રામાશ્રય યાદવેએ આજની આગાહીમાં આગામી પાંચ દિવસ સુધી ગુજરાતનું હવામાન કેવું રહેશે તેની આગાહી કરી છે. તેમણે કહ્યું છે કે પ્રથમ ત્રણ દિવસ રાજ્યનું વાતાવરણ શુષ્ક રહેશે. જે બાદ ચોથા અને પાંચમા દિવસે સામાન્ય વરસાદની આગાહી કરવામાં આવી છે.
રાજ્યમાં કમોસમી વરસાદની આગાહી કરતી વખતે હવામાન વિભાગે 1 થી 3 માર્ચ દરમિયાન હળવા વરસાદની આગાહી કરી છે. વેસ્ટર્ન ડિસ્ટર્બન્સના કારણે સિઝનલ વરસાદની શક્યતા છે. ચોથા દિવસે એટલે કે 1લી માર્ચે બનાસકાંઠા, સાબરકાંઠા, અરવલ્લી, મહિસાગર, છોટાઉદેપુર, દાહોદમાં હળવા વરસાદની શક્યતા છે. આ સાથે સૌરાષ્ટ્રના સુરેન્દ્રનગર અને બોટાદના કેટલાક વિસ્તારોમાં સામાન્ય વરસાદ પડી શકે છે તેવું પણ જણાવવામાં આવ્યું છે.
પાંચમા દિવસ વિશે વાત કરતા રામાશ્રય યાદવેએ જણાવ્યું હતું કે પાંચમા દિવસે નવસારી, વલસાડ અને ગીર સોમનાથમાં સામાન્ય વરસાદની આગાહી છે.
હવામાન વિભાગે એમ પણ કહ્યું છે કે હાલમાં લઘુત્તમ તાપમાનમાં કોઈ મોટો ફેરફાર નહીં થાય. છેલ્લા 24 કલાકમાં અમદાવાદમાં 20.2 ડિગ્રી અને ગાંધીનગરમાં 19.2 ડિગ્રી તાપમાન નોંધાયું હતું. આ સાથે આગામી 24 કલાકમાં અમદાવાદમાં 21 ડિગ્રી અને ગાંધીનગરમાં 20 ડિગ્રી તાપમાન રહેવાની આગાહી કરવામાં આવી રહી છે.
રામાશ્રય યાદવે આજે માછીમારોને ચેતવણી આપી હોવાનું કહેવાય છે. આ સાથે તેમણે કહ્યું કે દરિયાકાંઠે પવનની ગતિ 45 થી 55 પ્રતિ કલાક રહેશે. આ સાથે તેમણે કહ્યું કે વેસ્ટર્ન ડિસ્ટર્બન્સ આવી રહ્યું છે જે ઉત્તર ભારતને આવરી લેશે. જેના કારણે માર્ચના પ્રથમ અને બીજા દિવસે વરસાદ પડશે.
