ગુજરાતમાં ભવ્ય વિજય બાદ જો રાજ્યની ભૂપેન્દ્ર પટેલ સરકાર આ નિર્ણય લેશે તો સરકારી કર્મચારીઓ બચી જવાના છે. હાલમાં સરકાર મોટાભાગની ભરતી ફિક્સ પગારના આધારે કરે છે. જેના કારણે સરકારી કર્મચારીઓમાં પણ અસંતોષ જોવા મળી રહ્યો છે. સરકાર હવે આઉટસોર્સિંગ એટલે કે કોન્ટ્રાક્ટ પ્રથા નાબૂદ કરવા આંદોલન કરી રહી છે. જો બજેટમાં આ જાહેરાત કરવામાં આવશે તો ગુજરાતના હજારો બેરોજગાર લોકોમાં આ જાહેરાત ખુશીની લહેર લાવશે.
છેલ્લાં કેટલાંક વર્ષોથી રાજ્ય સરકાર વહીવટી તંત્રમાં ઓતપ્રોત થઈ જનારી ફિક્સ પગાર, કોન્ટ્રાક્ટ પ્રથા અને આઉટ સોર્સિંગની પ્રથા નાબૂદ કરવા માટે વિચારણા કરી છે. આગામી બજેટમાં તેની જાહેરાત થઈ શકે છે. આ માટે સરકારમાં હિલચાલ ચાલી રહી છે. આગામી સમયમાં આ જાહેરાત થાય છે કે નહીં એ તો સમય જ બતાવશે પણ હાલમાં આ સમાચારે પણ બેરોજગારોમાં એક નવી આશા જગાવી છે. સરકાર કર્મચારીઓની કામગીરી પર અસર થતી હોવાથી ફિક્સ પગારની પદ્ધતિને દૂર કરવાની વિચારણા કરી રહી છે.
મુખ્યમંત્રી અને વિવિધ મંત્રીઓ વચ્ચે થયેલી વાટાઘાટો પ્રમાણે આ પદ્ધતિથી કર્મચારીઓની કાર્યની અસરકારતા પર ફેર પડતો હોવાથી આ પ્રથાના સમૂળગી દૂર કરવા વિચારણા થઈ રહી છે. રાજ્ય સરકારના વિવિધ વિભાગોમાં અત્યારે ફિક્સ પગાર, કોન્ટ્રાક્ટ અને આઉટસોર્સિંગથી ભરતી કરવાની પ્રથા અમલમાં છે. ફિક્સ પગાર પ્રથા એટલે કર્મચારીની ભરતી રાજ્ય સરકાર દ્વારા જ કરવામાં આવે છે અને અમુક ચોક્કસ સમયગાળા પછી તેમને કાયમી કરાય છે. જેમાં કર્મચારીમાં કાયમી અસંતોષ રહે છે. સરકારમાં કોન્ટ્રાક્ટ પ્રથામાં એટલે કે ખાલી જગ્યા પર 11 મહિનાના કરાર આધારિત ભરતી કરવામાં આવે છે. જેમાં જરૂર હોય એ સમયે કોન્ટ્રાક્ટથી માણસોની ભરતી કરી તેમને બાદમાં રવાના કરી દેવાય છે. આમ કોન્ટ્રાક્ટ પ્રથામાં પણ ઘણા કર્મચારીઓ હાલમાં સરકારમાં નોકરી કરી રહ્યાં છે.
આઉટસોર્સિંગ એટલે કે કર્મચારીઓ રાજ્ય સરકારને એજન્સી દ્વારા પૂરા પાડવામાં આવે છે. સરકાર હાલમાં આ ત્રણ પદ્ધતિથી ભરતી કરી રહી છે. રાજ્યમાં 3.80 લાખના ફિક્સ પગાર અને કોન્ટ્રાક્ટ તેમજ આઉટસોર્સિંગ સાથે 10.80 લાખ કર્મચારીઓ છે. સત્તાવાર સૂત્રોએ એવી શક્યતા વ્યક્ત કરી હતી કે સરકાર આગામી બજેટમાં આ માટે પૂરતી નાણાકીય જોગવાઈ કરીને ફિક્સ, કોન્ટ્રાક્ટ-આઉટસોર્સિંગ પ્રથા દૂર કરશે. જો આ ફાઇનલ થશે તો 11 લાખ કર્મચારીઓ માટે ખુશીની ક્ષણ હશે. હાલમાં કર્મચારીઓનું આઉટસોર્સિંગ અને કોન્ટ્રાક્ટ પ્રથામાં શોષણ થાય છે. સરકારી કચેરીઓમાં બેસનારાઓ પણ કાયમી કર્મચારીઓની જેમ ગુણવત્તાયુક્ત કામ કરી શકતા નથી.
<
p style=”text-align: justify;”>હાલમાં રાજ્યમાં ફિક્સ, કોન્ટ્રાક્ટ અને આઉટ સોર્સિંગને મળીને કુલ 10.80 લાખ કર્મચારી છે. આગામી વિધાનસભાના બજેટ સત્રમાં રાજય સરકાર મોટી નાણાંકીય જોગવાઇ સાથે આ પ્રથાના દૂર કરીને કાયમી ભરતીઓ પર આગળ વધે તેવી ગતિવિધિ હાથ ધરાઇ છે. આ ગુજરાતના લાખો બેરોજગારો માટે મોટા સમાચાર છે. સરકાર આ ત્રણેય પ્રથા દૂર કરે તો કરોડો રૂપિયાનો સરકારી તિજોરી પર બોજ આવી શકે છે પણ આગામી દિવસોમાં ગુજરાત સરકાર કેવો નિર્ણય લે છે એની પર મોટો આધાર છે. હાલમાં તો આ હિલચાલે ભારે ચર્ચા જગાવી છે.
