2024માં મિશન 400 હાંસલ કરવા માટે ભાજપ દરેક મોરચે વિજયનો ધ્વજ લહેરાવવામાં વ્યસ્ત છે. ભારતીય જનતા પાર્ટી (BJP) એ લોકસભા ચૂંટણી 2024 માટે 195 ઉમેદવારોની યાદી જાહેર કરી છે. આ યાદીમાં પીએમ મોદી સહિત 34 કેન્દ્રીય મંત્રીઓના નામ સામેલ છે.
ભાજપના રાષ્ટ્રીય મહાસચિવ વિનોદ તાવડેએ જાહેરાત કરી કે પીએમ મોદી ઉત્તર પ્રદેશના વારાણસીથી લોકસભાની ચૂંટણી લડશે.
ભાજપે ગૃહમંત્રી અમિત શાહને ગાંધીનગરથી, આરોગ્ય મંત્રી મનસુખ માંડવિયાને પોરબંદરથી અને સર્બાનંદ સોનોવાલને ડિબ્રુગઢથી મેદાનમાં ઉતાર્યા છે. જ્યારે શિવરાજ સિંહ ચૌહાણ વિદિશાથી ચૂંટણી લડશે.
ભાજપે યુપીની આંબેડકર નગર લોકસભા સીટ પરથી બીએસપીના પૂર્વ સાંસદ રિતેશ પાંડેને મેદાનમાં ઉતાર્યા છે. રવિ કિશન ફરી ગોરખપુરથી ચૂંટણી લડશે. ભાજપે લોકસભા ચૂંટણીમાં ઉત્તર પ્રદેશમાંથી હેમા માલિની, અજય મિશ્રા ટેની, મહેશ શર્મા, એસપીએસ બઘેલ, સાક્ષી મહારાજને ફરીથી ટિકિટ આપી છે.
ભાજપે ફરી રાજનાથ સિંહને લખનૌથી અને સ્મૃતિ ઈરાનીને ઉત્તર પ્રદેશના અમેઠીથી મેદાનમાં ઉતાર્યા છે. કેન્દ્રીય મંત્રી રાજીવ ચંદ્રશેખર કેરળના તિરુવનંતપુરમથી ચૂંટણી લડશે જ્યારે પૂર્વ મુખ્યમંત્રી બિપ્લબ દેબ ત્રિપુરાથી ચૂંટણી લડશે.
દિલ્હીની પાંચ બેઠકો માટે ભાજપના ઉમેદવારો
પ્રવીણ ખંડેલવાલને ચાંદની ચોકથી, મનોજ તિવારીને ઉત્તર પૂર્વ દિલ્હીથી, બાંસુરી સ્વરાજને મધ્ય દિલ્હીથી, કમલકિત સેહરાવતને પશ્ચિમ દિલ્હીથી અને રામવીર બિધુરીને દક્ષિણ દિલ્હી બેઠક પરથી ટિકિટ મળી છે.
આમનું પતું કપાયું
રમેશ બિધુરી, પ્રવેશ વર્મા, મીનાક્ષી લેખી, હર્ષવર્ધનને દિલ્હી લોકસભા સીટથી, સાધ્વી પ્રજ્ઞા ઠાકુરને ભોપાલથી હટાવવામાં આવ્યા છે.
ભાજપની પ્રથમ યાદીમાં ઉત્તર પ્રદેશના 51, પશ્ચિમ બંગાળના 20, મધ્યપ્રદેશના 24, ગુજરાતના 15, રાજસ્થાનના 15, કેરળના 12, તેલંગાણાના 9, આસામના 11, ઝારખંડના 11, છત્તીસગઢના 11, દિલ્હીના 11 ઉમેદવારોનો સમાવેશ થાય છે. , જમ્મુ-કાશ્મીરની 5, ઉત્તરાખંડની 3, અરુણાચલની 2, ગોવાની 1, ત્રિપુરાની 1, આંદામાનની 1, દમણ અને દીવની 1 બેઠક માટે ઉમેદવારોના નામ સામેલ છે.
