lok sabha election 2024 | ગુજરાતમાં બીજેપીએ કમર કસવાનું શરૂ કર્યુ

Lok Sabha Election 2024: ભાજપ દ્વારા આગામી લોકસભાની ચૂંટણીની તૈયારીઓ શરૂ કરી દેવામાં આવી છે, તેથી હવે ગુજરાત ભાજપે કમર કસી છે, આજથી ગુજરાતની તમામ 26 લોકસભા બેઠકો પર જીત મેળવવાની શરૂઆત કરી દીધી છે, આજથી તમામ 26 લોકસભા ચૂંટણી કાર્યાલયો ધમધમશે. ઉદ્ઘાટન કરાશે. તો અહીં જાણો કોને કયાની લોકસભા સીટોની જવાબદારી સોંપવામાં આવી છે.

આગામી લોકસભા ચૂંટણી 2024 અંતર્ગત પ્રદેશ અધ્યક્ષ શ્રી સી આર પાટીલની અધ્યક્ષતામાં તથા માનનીય મુખ્યમંત્રી શ્રી ભૂપેન્દ્રભાઈ પટેલની વિશેષ ઉપસ્થિતિમાં પ્રદેશ કાર્યાલય ‘શ્રી કમલમ્’ ખાતે ‘પ્રદેશ બેઠક’ યોજાઈ.

આ બેઠકમાં પ્રદેશ સંગઠન મહામંત્રી શ્રી રત્નાકરજી, પ્રદેશ કોષાધ્યક્ષ શ્રી સુરેન્દ્રભાઈ પટેલ, પ્રદેશ મહામંત્રી શ્રી રજનીભાઈ પટેલ, શ્રી વિનોદભાઈ ચાવડા સહિત પ્રદેશ પદાધિકારીશ્રીઓ, રાજ્ય સરકારના મંત્રીશ્રીઓ, જિલ્લાના હોદ્દેદારશ્રીઓ, સાંસદશ્રીઓ અને ધારાસભ્યશ્રીઓ ઉપસ્થિત રહ્યાં.

ખાસ વાત એ છે કે ગુજરાત પ્રદેશ અધ્યક્ષ સી.આર.પાટીલે ગુજરાતમાં લોકસભા ચૂંટણીને લઈને મોટો ઠરાવ આપ્યો છે. ગુજરાતમાં તમામ કચેરીઓના ઉદ્ઘાટનની જવાબદારી મોટા નેતાઓને સોંપવામાં આવી છે. સરકારના મંત્રીઓ અને પ્રદેશ ભાજપના નેતાઓને આ તમામ જવાબદારીઓ સોંપવામાં આવી છે. કાર્યાલયમાં સાંસદો, પૂર્વ સાંસદો, ધારાસભ્યો પણ હાજર રહેશે.

26 બેઠકોના કાર્યાલયોના ઉદ્ઘાટનની જવાબદારી સોંપવામાં આવી છે. કોને અને કઈ બેઠક ! અહીં જુઓ…

કચ્છમાં પાનસેરિયા કાર્યાલયના ઉદ્ઘાટન પ્રસંગે પ્રફુલ ઉપસ્થિત રહેશે.
બનાસકાંઠા બેઠક પર પાલનપુરમાં ઓફિસ ખોલવામાં આવશે.
અમિત ઠાકર, જેન્તી કાવડિયા બનાસકાંઠા કાર્યાલયમાં હાજર રહેશે.
બળવંતસિંહ રાજપૂત, નંદાજી ઠાકોર પાટણમાં હાજર રહેશે.
મહેસાણામાં કાર્યાલયના ઉદ્ઘાટન પ્રસંગે વર્ષાબેન દોશી ઉપસ્થિત રહેશે.
સાબરકાંઠા કાર્યાલયના ઉદ્ઘાટનમાં રજની પટેલ, બાબુ જેબલીયા ઉપસ્થિત રહેશે.

અમદાવાદ પૂર્વ કાર્યાલયમાં જગદીશ વિશ્વકર્મા, હિતેશ પટેલ હાજર રહેશે.
અમદાવાદ પશ્ચિમમાં ભાનુબેન બાબરીયા, જયશ્રીબેન દેસાઈ ઉપસ્થિત રહેશે.
સુરેન્દ્રનગર કચેરીમાં મુલ્લુભાઈ બેરા, જવેરીલાલ ઠાકુર હાજર રહેશે.
રાજકોટ કચેરીની જવાબદારી આર.સી.ફલદુ, ભરત બોઘરાને સોંપવામાં આવી છે.
પોરબંદર કચેરીમાં વિનોદ ચાવડા, બીનાબેન આચાર્ય ઉપસ્થિત રહેશે.
જામનગર કાર્યાલયના રાઘવજી પટેલને ઉદ્ઘાટનની જવાબદારી સોંપવામાં આવી છે.
અમરેલી કચેરીના ઉદ્ઘાટનની જવાબદારી કૌશિક વેકરીયાએ સંભાળી છે.

ભાવનગરમાં મનસુખ માંડવીયા, ભૂપેન્દ્રસિંહ ચૂડાસમા હાજર રહેશે. 
આણંદ કાર્યાલય પર નરહરિ અમીન, જ્હાનવી વ્યાસ હાજર રહેશે. 
ખેડા કાર્યાલય પર ગોરધન ઝડફીયા, પ્રશાંત કોરાટ હાજર રહેશે.
પંચમહાલ કાર્યાલય પર બચુ ખાબડ, ગૌતમ ગેડીયા હાજર રહેશે.
દાહોદ કાર્યાલય પર કુબેર ડિંડોર, કૈલાસબેન પરમાર હાજર રહેશે. 
વડોદરા કાર્યાલય પર પ્રદીપસિંહ જાડેજા, કૌશલ્યા કુંવરબા હાજર રહેશે.
ભરૂચ કાર્યાલય પર મુકેશ પટેલ, રમીલાબેન બારા હાજર રહેશે.
બારડોલી કાર્યાલય પર કુંવરજી હળપતી, ઉષાબેન પટેલ હાજર રહેશે.

સુરત કાર્યાલય પર જ્યોતિબેન પંડ્યા, શીતલ સોની હાજર રહેશે.
નવસારી કાર્યાલય પર બાલુ શુક્લા, જનક પટેલ હાજર રહેશે.
વલસાડ કાર્યાલય પર કનુદેસાઈ, હિમાશું પટેલ હાજર રહેશે.